MAT PITHI PINGIN GANTENG LAN PERKASA (JAVA VERSION)

Mat Pithi pancen bethike gak ketulungan. Masih
bapakne kaji, Mo-Limo wis dilakoni. Korak,
balon, germo, tukang parkir sak Kermil kenal
kabe karo arek Dinoyo Gang Limo iki. Tapi
sejak Suharto ngelundung, kelakoane rodok
apik. Mat Pithi gak tau ugal-ugalan maneh. Lek
ditakoni koncone, “Mat raimu sik mbalonan?”.
“Mathek ketubruk montor, tanganku kithing aku
wis tobat cuuk…!”, Mat Pithi ngotot. Modele
morale arek iki melu reformasi pisan.
Saiki kesibukane Mat Pithi meguron nang Kaji
Kholil, guru ngaji soko Ampel. Segala ilmu
disinaui. Mulai ilmu kebal sampe ilmu gendhing
wedhokan wis dikuasani. Jangkep limang wulan
meguru, Mat Pithi diwekasi gurune” Mat…, ilmu
sing mbok sinaui wis jangkep. Tapi lek koen
kepingin ningkatno mane, koen topo wae ning
Gunung Batok.”.
Ngeroso ilmune sik kurang, Mat Pithi berangkat
topo ning Gunung Batok. Arek iki bener-bener
nuekat. Deweke topo terus gak atik turu nang
guwo gumbul karo jerangkong, sundel bolong,
tuyul, wis pokoke sembarang kalir. Pas dino ke-
pitu, dalu pisan, ono wong tuwo muncul ning
guwo mau iku. Wong tuwo iki langsung wae
ngomong “Mat..mat..!, gak ono wong sing
sanggup topo koyok koen ning guwo iki”. Mat
Pithi cuek wae karo nguyu nang jero ati
(gendeng arek iki…). “Wis koen lungo wae…”,
si Mbah rodhok nyentak. Gak kalah banter Mat
Pithi njawab “Mooh…!”. “lho ojo
ngonoo..rek…!”, si Mbah mulai kalem kalah
gertak. “Aku gelem ninggalno guwo iki tapi ono
sarate…, kabeh penjalukanku kudu mbok
kabulno”, Mat Pithi negesno. Gak atik mikir
dowo-dowo, si Mbah langsung ngomong “wis
ngene wae, koen iso njaluk opo wae tak
kabulno, tapi mek ping telu thok”. Karo mikir gak
sepiro suwih, Mat Pithi njawab “O.K…!”
“Mbah.., rupoku iki lak gak sepiro elek, eeh…!
gak sepiro ganteng, aku kepingin duwe rupo
koyok bintang pilem Bary Prima bekas bojone
Eva Arnaz”, Mat Pithi njaluk. Si Mbah njawab
“Le..le..saiki koen muleh wae, tekan omah
rupomu wis gak koyok meduro mane..!.
Langsung wae Mat Pithi nginclik moleh numpak
jaran sewoan. Tekan omah langsung ngoco.
“Wiik…guanteng men aku saiki rek…!”, Mat
Pithi kaget ndelok dapurane gak koyok biyen
mane. Tapi Mat Pithi jik gak puas. Pikire mosok
rai koyok Barry Prima tapi awak koyok Timbul
Srimulat.
Sisuk bengine, Mat Pithi balik maneh nang
Gunung Batok nemoni Mbak daden-daden iku.
“Mbah..mbah.., raiku wis guanteng koyok
bintang pilem ning tipi-tipi iku. Tapi awak-ku jek
kuru lan tepos. Dadekno awakku- koyok Barry
Prima, ojok mek rai thok”, Mat Pithi nerangno
penjalukane sing ke-2.
Komat-kamit diluk si Mbah langsung ngongkon
Mat Pithi moleh karo njamin lek awake mesti
dadi dempal koyok Barry Prima. Tekan omah
Mat Pithi langsung kocoan. Ndelok awake sing
dadi dempal iku Mat Pithi seneng banget. Pikire
cewek sak suroboyo mesti kepincut karo
awake.
Urung suwih senenge, Mat Pithi moro-moro
mecucu wae sak wise metu teko jeding.
Rupane “manuke” gak melu dempal. Gamblese
Mat Pithi jik podo karo biyen cilik lan bungkring.
Mat Pithi dadine kepikiran terus. Njaluk nang
Mbah maneh…, eman polahe jatahe wis kari
pisan. Tapi timbangane urip duwe manuk sak
upit, Mat Pithi nekat ngenthekno jatah
penjalukane.
“Mbah..mbah..mbah…” Mat Pithi jerit-jerit nang
guwo Gunung Batok. Dienteni sampek elek gak
muncul-muncul Si Mbah iku. Tapi persis
sepuluh menit sak gurungi magrib, Si Mbah
muncul. “Mat..Mat.., jatah penjalukanmu ojo
dientekno. Eman-emanen kanggo mbesuk-
mbesuk” Si Mbah nguwei nasehat.
“Mooh..mooh…!”, Mat Pithi njawab karo matane
rodhok mbrebes mili. “Mbah tolong Mbah…,
awak-ku lan raiku wis persis koyok Barry Prima,
tapi “barang”-ku sak umprit koyok slilit” Mat Pithi
melas.
“Tolong mbah dadekno “barangku” koyok
jaranku sing tak sewo iki”, Mat Pithi tambah
melas. Modele arek sing biasa nekat iki “putus
asa”. “Aku isin Mbah…!”, ambek suoro sing
rodok serak gara-gara kudu nangis. Gak tego
lan meksake si Mbah akhire ngabulno
permintaane Mat Pithi. “Mat…gak suwih maneh
barangmu koyok barange jaranmu iku”.
“Suwun..suwun..suwun Mbah…, iki sing
terakhir koq”, Mat
Pithi girang. Sampek gak sempet pamit, Mat
Pithi moleh, plenciiing…!.
Tapi gurung tekan omah, Mat Pithi mikir,
kaget…, moto mbrebes mili…, cangkep
mewek…, Mat Pithi nangis karo jerit-jerit
“JUANCUUUK JARANKU WEDHOOK…”.
Mat…, nasibmu elek masio rupamu ganteng,
awakmu dempal lek duwe “kimpet” yoo
ngilani…hi..hi..hi.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: